поддержка PHP 7

2021 жылдың 17 қарашасында Қазтұтынуодағының жоғары сауда-экономикалық колледжінде 04140100 "Маркетинг" (түрлері бойынша) мамандығы бойынша академиялық дербестікті ескере отырып, оқыту нәтижелеріне бағытталған кредиттік оқыту технологиясына негізделген модульдік білім беру бағдарламаларын талқылау бойынша колледждің әлеуметтік серіктестерінің қатысуымен дөңгелек үстел өтті.

17.11.2021 жылы Қазтұтынуодағының жоғары сауда-экономикалық колледжінде "Әдістемелік күн" өтті, оған "Нұр-Сұлтан қаласының білім беруді жаңғырту орталығы" КММ БКДҚ бөлімінің әдіскері Н.С. Исина және сараптау комиссиясының мүшелері қатысты.

Бүгін 2021 жылдың 16 қарашасында Нұр-сұлтан қаласы әкімдігінің ШЖҚ "№3 қалалық емхана" МКК алдын алу және әлеуметтік-психологиялық көмек бөлімшесі Қазтұтынуодағының жоғары сауда-экономикалық колледжінің 1 және 3 курс студенттеріне "Жанжалдардың туындау себептері және жанжалдарды шешу", "Репродуктивті денсаулықты қорғау. Темекі шегу, алкоголь және есірткінің репродуктивті денсаулыққа әсері", "Мінез-құлық қауіп факторлары" тақырыптарына семинар өткізді. Студенттер көптеген пайдалы ақпарат алды.

2021 жылдың 12 қарашасында Қазтұтынуодағының жоғары сауда-экономикалық колледжінің студенттері М-11-20-2 тобының жетекшісі Сыдыкова А. А. ұйымдастыруымен "Семей ядролық полигонының жабылуына 30 жыл" тақырыбында кітапханада іс-шара өткізілді. Семей ядролық полигонының шығу тарихы, Н.Назарбаевтың жарлығымен, оның жабылуына үлкен үлес қосқан Олжас Сулейменовтың атқарған орасан зор еңбектері айтылды.

Бүгін Қазтұтынуодағының жоғары сауда-экономикалық колледжінде «Әлеуметтік жобаларды жоспарлау, іске асыру және іске асыру мониторингі мен бағалау. Әлеуметтік желілерде жобаларды ілгерілету («Егеменді еліміздің 30 танымал тұлғалары» жобасы мысалында) «Бағдарламалық қамтамасыз ету» мамандығының 1 курс студенттеріне арналған мастер-класс өтті.

Back to top